Enunciado
Un ilusionista realiza o seguinte truco: deixa sobre a mesa 52 cartas da baralla francesa en fila. En cada paso, un espectador selecciona un número enteiro, e a carta nesa posición é retirada. Porén, o ilusionista decide dende que lado da mesa comezar a contar. Este mago anunciou de antemán que só quedaría unha carta na mesa: o tres de trevos. En que posicións iniciais pode comezar esta carta para garantir que sexa a derradeira na mesa?
Resolución
Solución
As posicións nas que pode estar son as dos extremos. Por unha banda, non é posíbel comezar nas posicións interiores, xa que se a carta queda na posición do medio, o ilusionista non poderá evitar retirala por simetría. Vexamos as distintas estratexias que pode adoptar o público se comezamos nun das posicións interiores:
- Se a audiencia só escolle posicións interiores, o cal garante que non se descartan os extremos. Se se chega a ter só cartas sobre a mesa, a do medio será a do tres de trevos, que será descartada.
- Se a audiencia sempre escolle a posición do tres de trevos, o ilusionista descartará a do outro lado, acurtando a distancia entre o tres de trevos e os extremos, facendo que nalgún momento o tres de trevos estea no medio.
Dúbidas & Comentarios
Nesta sección pódesnos deixar as túas dúbidas e comentarios a cerca do problema anterior. Non teñas teima en preguntar, estamos aí para botar unha man!